આ અભિનેત્રીએ રાહુલ ગાંધી માટે કર્યું કઈંક આવું! જાણીને આશ્ચર્ય થશે! જાણો શું!
હાલ દેશમાં ચારે બાજુ લોકસભા ચુંટણીના ઢોલનાગરા વાગી રહ્યા છે. દેશની દરેક પાર્ટીઓ દ્વારા ધામધૂમથી તૈયારીઓ કરવામાં આવી રહી છે. તો દરેક પાર્ટીઓના મેનિફેસ્ટો પણ બહાર પાડી ચૂક્યાં છે તેમજ દેશમાં લોકસભા ચુંટણી મતદાનનું પ્રથમ ચરણ પણ પૂર્ણ થઈ ચૂક્યું છે.
બૉલીવુડ હોય કે ટીવી સ્ટાર પોતપોતાની ઈચ્છા અને આઇડીયોલોજી પ્રમાણે પાર્ટીને અને નેતાને સમર્થન આપી રહ્યા છે. જેમકે સ્વરા ભાસ્કર લેફ્ટને સમર્થન આપી રહી છે તો અનુપમ ખેર ભાજપને તો ઉર્મિલા માતોડકર કોંગ્રેસ માંથી લોકસભા ચુંટણી લડી રહ્યા છે.
ત્યાં ટીવી સ્ટાર માહિકા શર્માએ ચોંકાવનારો ઘટસ્ફોટ કર્યો છે. પોતાના હોટ ફોટોશૂટ અને એક્ટિંગ માટે હંમેશા સમાચારમાં રહેનારી માહિકા શર્મા એ એકવાર ફરીથી નિવેદન આપીને બધાંયને આશ્ચર્યચકિત કરી દીધા છે. માહિકા શર્મા એ કહ્યું છે કે તે ચૈત્ર નવરાત્રી માં દુર્ગાને ખુશ કરવા માટે વ્રત અપવાસ રાખે છે પરંતુ આ વ્રત લોકસભામાં કોંગ્રેસ અધ્યક્ષ રાહુલ ગાંધી માટે રાખી રહી છે.
માહિકા શર્મા એ કહ્યું કે, હું ભારતના ઉજ્જવળ ભવિષ્ય માટે વ્રત રાખી રહી છું, જે ખાલી રાહુલ ગાંધીના હાથમાં છે. અને મને ખબર છે કે દેવીમાં એમની જીત સુનિશ્ચિત કરશે. માહિકા એફ આઈ આર, રામાયણ (૨૦૧૨ ટીવી સિરિયલ), પોલીસ ફેક્ટરી, તુ મેરે અગલ બગલ હૈ, મર્દાની વગેરેમાં કામ કરી ચુકી છે.
વધુમાં માહિકા શર્મા એ કહ્યું કે, આપણાં સનાતન ધર્મમાં પત્ની પુરુષની જીત માટે ઉપવાસ રાખે છે, આપણાં માટે રાહુલ ગાંધીએ આજ સુંધી લગ્ન નથી કર્યા અને પિતાની ઉંમર દેશ સેવામાં લગાવી દીધી છે. એટલે આપણું કર્તવ્ય બને છે કે આપણે પણ તેમના માટે કઈંક કરીએ.
આ નિવેદન બાદ બીટાઉન માં ચર્ચાઓ અને ગપશપ ચાલવા લાગી છે. તેમજ કોંગ્રેસ પાર્ટીને વધારે એક સમર્થન મળી રહ્યું છે. બોલીવુડના કલાકારો દ્વારા ભાજપને મત નહીં આપવાની અપીપ કરવામાં આવી છે ત્યારે કોંગ્રેસને મળતું આ સમર્થન લાભદાયી જરૂર કહી શકાય.
ઉલ્લેખનીય છે કે, નસીરુદ્દીન શાહ જેવા બોલીવુડના મોટા કલાકારો દ્વારા ભાજપને વોટ નહીં કરવાની અપીલ કરવામાં આવી છે તેમની સાથે થિયેટર અને ફિલ્મ સાથે જોડાયેલા 600 જેટલા લોકો દ્વારા એક પત્ર 12 ભાષામાં તૈયાર કરીને આર્ટીસ્ટ યુનાઈટ ઇન્ડિયા નામની વેબસાઈટ પર મુકવામાં આવ્યો છે. જેમાં કહેવામાં આવ્યું છે કે, જનતા વોટ આપીને ભાજપ અને તેના સહિયોગીઓને સત્તાથી બહાર કરે.
