છેલ્લા બે ત્રણ દિવસથી ધમણ -1 બાબતે વિવાદ ચાલી રહ્યો છે. રોજે રોજ નવા નવા ખુલાસાઓ થઈ રહ્યા છે. નેશનલ મીડીયામાં પણ આ બાબતે ન્યુઝ રિપોર્ટ આવતાં હવે આ મુદ્દો નેશનલ ટોકેટિવ ઇસ્યુ બની ગયો છે. હવે ગુજરાતની ભાજપ સરકારનો શ્વાસ રૂંધાયો હોય એવું લાગી રહ્યું છે. તો આ બાબતે સરકાર ક્યાંકને ક્યાંક કાચું કપાયાના ડરના કારણે લીપાપોતી કરી રહી છે. નેશનલ મીડિયા તેમજ વિપક્ષના હુમલા બાદ ગુજરાત ભાજપ સરકારને હવે ખુદ વેન્ટિલેટરની જરૂર પડી રહી હોય તેવું લાગી રહ્યું છે. સિવિલના ડૉકટરો દ્વારા નાયબ મુખ્યમંત્રી નીતિન પટેલને લખવામાં આવેલ પત્ર જાહેર થતાંની સાથે જ ગુજરાત પ્રદેશ કોંગ્રેસ પ્રમુખ અમિત ચાવડા દ્વારા ભાજપ સરકારને રીતસરની ઘેરવમાં આવી છે.
સરકાર ઊંઘમાંથી જાગી
અમદાવાદની સિવિલ સરકારી હોસ્પિટલમાં રાજકોટની ખાનગી કંપની દ્વારા બનાવવામાં આવેલ ધમણ -1 નામના વેન્ટિલેટર બાબતે હવે વિવાદવધારે ઉગ્ર બની રહ્યો છે. હવે આ બાબતે સરકાર ખુદ ફસાઈ ગઈ છે. ધમણ બાબતે મોટા ખુલાસાઓ થતાં સરકાર અને વિપક્ષ ફરી આમને સામને આવી ગયા છે. જો કે ગુજરાત સરકાર દ્વારા આ બાબતે સ્પષ્ટતા કરવામાં આવી છે પરંતુ ડૉકટરોના પત્ર બાદ સરકારી તંત્ર ઊંઘતું ઝડપાયું છે. કોંગ્રેસ દ્વારા નીતિન પટેલને ઘેરવામાં આવ્યા છે. અમિત ચાવડાએ નીતિન પટેલ પર આકરા પ્રહાર કરતાં કહ્યું કે, તમે પણ આ પાપમાં એટલા જ ભાગીદાર છો, અત્યાર સુધી તમે ઘરે એસીમાં બેસી રહ્યા, સિવિલના ડૉક્ટરે પત્ર લખતા સરકાર જાગી.
મોત માટે ધમણ જવાબદાર!?
અમિત ચાવડાએ પ્રેસ વાર્તામાં જણાવ્યું હતું કે, ધમણના કારણે અનેક લોકોનાં મોત થયા છે. જેના પાપના ભાગીદાર નાયબ મુખ્યમંત્રી પણ એટલા જ છે. સરકારે કંપનીનું માર્કેટિંગ કરવાના બદલે ગુજરાતની જનતા માટે કામ કરવું જોઇએ. જે દિવસે ધમણના નિર્માતાઓએ ધમણ -1ની મર્યાદાઓની વાત કરી ત્યારે નીતિનભાઇએ કહેવાની જરૂર હતી કે આ વેન્ટિલેટર નથી, માત્ર ઓક્સિજન સપ્લાય કરવાનું મશીન છે. વેન્ટિલેટરના નામે જે પ્રસિદ્ધિ કરવામાં આવી તેને બંધ કરવી જોઇએ. ધમણ-1માં જે અખતરા કરવાના હતા તે પહેલા કરવાની જરૂર હતી. એ ન કર્યા હોવાથી હવે ગુજરાતીન જનતા પર અખતરા કરી રહ્યા છે.
મફતમાં ઝેર મળે તો ખાઈ ના લેવાય!
સરકાર દ્વારા કહેવામાં આવ્યું હતું કે ધમણ-1માં કોઈપણ પ્રકારનો ભ્રષ્ટાચાર નથી થયો પરંતુ ધમણ મફતમાં મળેલ છે. સરકાર દ્વારા ધમણ-1 મફત મળ્યાની વાત વારંવાર વાગોળવામાં આવતા. અમિત ચાવડા દ્વારા સરકાર પર આકરા પ્રહાર કરવામાં આવ્યા અને કહ્યું કે, અમે ધમણનો વિરોધ કે ભ્રષ્ટાચારની વાત ક્યારેય નથી કરી. આજે મોતનું પ્રમાણ વધી રહ્યું છે. દેશમાં ગુજરાતનો આંક સૌથી વધારે છે. જો તપાસ થાય તો તેનું કારણ ધમણ-1 નીકળશે. કોઈ મફતમાં ઝેર આપે તો તે ના ખાઈ લેવાય કે ના તેની વહેંચણી કરાય. લોકોને મોતના મુખમાં મોકલવાનુ કામ સરકાર કરી રહી છે.
આરોગ્ય મંત્રી તરીકે નીતિન પટેલની જવાબદારી
આ સાથે જ ગુજરાત પ્રદેશ કોંગ્રેસ પ્રમુખ અમિત ચાવડા દ્વારા નીતિન પટેલને વિનંતી કરવામાં આવી છે. તેમણે જણાવ્યું કે, નીતિન પટેલને વિનંતી કે આરોગ્ય મંત્રી તરીકે તમારી જવાબદારી છે કે ધમણ1નાં કારણે કોઇ દર્દીનું મોત ન થાય. ફરી ચકાસણી કરી જેટલા ધમણ-1 ઇન્સ્ટોલ કર્યા છે એ પરત ખેંચો. ધમણના નિર્માતાએ ગુજરાતને મફત વેન્ટિલેટર આપીને આખા દેશ દુનિયામાંથી ઓર્ડર મેળવ્યા છે. આ એક ષડયંત્ર છે, જેનો ભોગ ગુજરાતની જનતા બની રહી છે. સિવિલ ડૉકટર દ્વારા લખવમાં આવેલા પત્ર બાદ ગુજરાત કોંગ્રેસ અધ્યક્ષ અમિત ચાવડા દ્વારા ભાજપ સરકાર પર ખૂબ મોટા આરોપ લગાવવામાં આવ્યા છે.
- આ પણ વાંચો
- કોંગ્રેસમાં ભંગાણ! કોંગ્રેસના ગઢમાં જ મોટું ગાબડું! જાણો!
- બદલવાના હતા ગુજરાતના વિજયભાઈને, અને બદલી કાઢ્યા અમદાવાદના વિજયભાઈને! જાણો
- લોકડાઉન 4 માં આ છે ખાસ નિર્ણયો! આ સેવાઓ થશે શરૂ!
- ભારતીય સૈન્યને મજબૂત કરવાથી માંડીને ચીન પર વૈશ્વિક પ્રતિબંધ એક્શન પ્લાન રેડી! જાણો!
- વિશ્વમાં આ દેશ પહેલો જે કોરોના મહામારી સામે જીત્યો જંગ! જાણો!
- કોરોના મહામારી વચ્ચે ભાગેડુ વિજય માલ્યા ની મોટી જાહેરાત! જાણો!
- અમિત શાહ માટે ખોટી અફવાહ ફેલાવવાના આરોપમાં ધરપકડો શરૂ! જાણો!
- રૂપાણી સરકાર ની મુશ્કેલીમાં વધારો! ગુનાહિત બેદરકારી બદલ થશે હાઇકોર્ટમાં રીટ! જાણો!
- રૂપાણી સરકાર ની ખુલી ગઈ પોલ! આ બાબતે ભેરવાઇ ગઈ ભાજપ સરકાર! જાણો
- લોકોની વ્યથા સાંભળી નેતાએ ટ્રાન્સપોર્ટ કોર્પોરેશન ને આપ્યા એક કરોડ રૂપિયા! જાણો!
- ભારતના ઇતિહાસમાં પ્રથમવાર આવો નજારો સમગ્ર દેશમાં એક સાથે મળ્યો જોવા!
- પ્રધાનમંત્રી મોદી એ કર્યા મુખ્યમંત્રીના વખાણ! કહ્યું બીજા રાજ્યોને દિશા બતાવી! જાણો!
- છત્તીસગઢ દ્વારા ચાઈનાને કરોડોનો ફટકો! અન્ય રાજ્યોના પણ બચાવ્યા કરોડો રૂપિયા!
- અર્ણવ ગોસ્વામી પર સમગ્ર ભારતમાં ફરિયાદ! ગુજરાતમાં દરેક જિલ્લામાં થશે ફરિયાદ! જાણો!
- ભાજપ નેતા ની મુશ્કેલીમાં વધારો! દારૂ મુદ્દે રાજકારણ ગરમાયુ! જાણો!
- રાહુલ ગાંધી રાજકારણ નહી કરવાનું કહે છે બીજી બાજુ મોટું રાજકારણ રમાઈ જાય છે! જાણો!
- કોરોના મહામારી: ભારતની અન્ય એક મોટી ઉપલબ્ધી! વિશ્વમાં ભારતનો વાગ્યો ડંકો! જાણો!
