પૂર્વ નાણામંત્રી અને રાજ્યસભાના સભ્ય પી. ચિદમ્બરમે મંગળવારે ગુજરાતની જનતાને કોંગ્રેસને મત આપવા વિનંતી કરી હતી. તેમણે કહ્યું કે કોંગ્રેસ ભાજપ કરતા વધુ સારું પ્રદર્શન કરે છે. પૂર્વ નાણામંત્રી અને રાજ્યસભાના સભ્ય પી. ચિદમ્બરમે મંગળવારે ગુજરાતની જનતાને કોંગ્રેસને મત આપવા વિનંતી કરી હતી. કોંગ્રેસ ભાજપ કરતા સારૂ પ્રદર્શન કરે છે તેમ જણાવ્યું હતું. તેમણે કહ્યું કે કોંગ્રેસે 1960 થી 1995 સુધી વિકસિત ગુજરાતનો શિલાન્યાસ કર્યો હતો.
અમદાવાદમાં પત્રકારોને સંબોધતા ચિદમ્બરમે કહ્યું કે રાજકીય પક્ષોને જવાબદાર બનાવવા માટે લોકોએ દર પાંચ કે દસ વર્ષે પરિવર્તન માટે મત આપવો જોઈએ. ઉદાહરણો કેરળ અને તમિલનાડુ છે, જ્યાં લોકો પરિવર્તન માટે મત આપે છે અને રાજકીય પક્ષોને તેમને જવાબદાર ઠેરવે છે. જો તમે સરકાર બદલશો નહીં, તો રાજકીય પક્ષો અહંકારી બની જાય છે અને લોકોને હળવાશથી લે છે. જે લોકશાહી માટે અતિ જોખમ સમાન છે.
મોરબીમાં ઝૂલતો પુલ તૂટવાની ઘટના બાબતે તેમણે દુઃખ વ્યક્ત કરતું હતું અને આ મુદ્દે તેમણે કહ્યું કે, મોરબી બ્રિજ તૂટી પડવાની દુર્ઘટનામાં ભાજપની કામગીરી પ્રતિબિંબિત થઈ હતી જેમાં 135 લોકોના મોત થયા હતા, તેમ છતાં સરકારે ન તો મોરબીની જનતાની માફી માંગી કે ન તો કોઈ અધિકારી સામે કોઈ પગલાં લીધા. મોરબી દુર્ઘટના બાબતે ભાજપ સરકારની ઢીલી તપાસ અને ઢીલી નીતિ બાબતે પૂર્વ ગૃહમંત્રી એ ભાજપ સરકારને આડે હાથ લીધી હતી.
શાસક પક્ષના વિકાસના દાવાઓ પર પ્રકાશ પાડતા ચિદમ્બરમે આંકડાઓ ટાંકીને કહ્યું કે જેવો દાવો કરવામાં આવે સાગગે તેવું ગુજરાતમાં બધુ બરાબર નથી. તેમણે કહ્યું કે, રાજ્યનો જીડીપી ઘટી રહ્યો છે, 2017-18માં 10.7 ટકા હતો જે 2020-21માં ઘટીને માઈનસ 1.9 ટકા થઈ ગયો છે. રાજ્યના આંકડા મુજબ રાજ્યનું દેવું જીએસડીપીના 18 ટકા છે પરંતુ આરબીઆઈના ડેટા મુજબ તે જીએસડીપીના 24 ટકા છે. રાજ્યની 16 લાખ વસ્તી ઝૂંપડપટ્ટીમાં રહે છે, 20-24 વય જૂથમાં બેરોજગારીનો દર 12.5 ટકા છે. પાંચ વર્ષથી ઓછી ઉંમરના પ્રતિ 1,000 જીવિત જન્મેલા 31 બાળકો મૃત્યુ પામે છે.
ભગવા પાર્ટી પર પ્રહાર કરતા ચિદમ્બરમે કહ્યું કે, છેલ્લા છ વર્ષમાં રાજ્યમાં ત્રણ મુખ્યમંત્રી બદલાયા છે, ચૂંટણી પછી તેમને વિશ્વાસ છે કે ભૂપેન્દ્ર પટેલને પણ ભાજપ દ્વારા દરવાજો દેખાડવામાં આવશે. રાજ્ય સરકાર ગાંધીનગરમાં બેઠેલા મુખ્યમંત્રી દ્વારા નહીં, પરંતુ રાષ્ટ્રીય રાજધાનીના નરેન્દ્ર મોદી અને અમિત શાહની જોડી દ્વારા ચલાવવામાં આવે છે.
